काठमाडौं, २ अगस्ट २०२५ — पवित्र पशुपति क्षेत्रको आँगनमा, न्यानो सूर्यको रश्मिमा उज्यालो बन्दै गएको बिहान। शान्त वातावरण, सुगन्धित धूप, कोमल वैदिक ध्वनि र अनुहारहरूमा झल्किएको श्रद्धा। यही भावनात्मक परिवेशमा ओम वैदिक फाउन्डेशनले आफ्ना संरक्षक आजीवन सदस्यहरूसँग एक आत्मीय भेटघाट सम्पन्न गर्यो—जहाँ समर्पण, सम्बन्ध र उद्देश्यको गहिरो अनुभूति पाइयो।
ओम वैदिक फाउन्डेशनको कार्यालय परिसरमा आयोजित कार्यक्रममा संरक्षक आजीवन सदस्यता पत्र र परिचय कार्डहरू संस्थाकी अध्यक्ष श्रीमती रबिना गोर्खाली र मुख्य कार्यकारी अधिकृत श्री देवराज गौतमको उपस्थितिमा हस्तान्तरण गरियो। उपस्थित सदस्यहरूले आफू केवल संस्थाको हिस्सा नभई, जीवनका हरेक पक्ष—शारीरिक, मानसिक र आत्मिक—सन्तुलनतर्फ उन्मुख एक आध्यात्मिक समुदायको भाग भएको अनुभूति गरे।
कार्यक्रमको क्रममा सदस्यहरूले आफ्ना अनुभवहरू साझा गरे। कसैले ध्यान र योग अभ्यासले जीवनमा ल्याएको सकारात्मक रूपान्तरणको चर्चा गरे भने कसैले वैदिक शिक्षाले दिन थालेको जीवनदृष्टिकोणको कदर गरे। यस्ता अनुभूतिहरूले कार्यक्रममा आत्म–प्रेरणा र सामूहिक ऊर्जा प्रवाह गरिरहेको स्पष्ट महसुस भयो।
फाउन्डेशनले आफ्ना विविध सदस्यता योजनाहरूको जानकारी पनि सार्वजनिक गर्यो, जसमा जीवनभरका लागि र समाज सेवा आधारित विकल्पहरू समेटिएका छन्।
- संरक्षक आजीवन सदस्यता (Patron Lifetime Membership) — रू. ५५,०००: व्यक्तिगत आध्यात्मिक सेवाहरू, जन्मतिथि अनुसार कर्मकाण्ड, विशेष ध्यान शिविर र फाउन्डेशनका सबै गतिविधिमा विशेष प्राथमिकता।
- आजीवन सदस्यता (Lifetime Membership) — रू. ११,५००: योग, ध्यान, सत्संगमा नियमित सहभागीता, नियमित समाचारपत्र र सामुदायिक कार्यक्रमहरूमा सहभागिता।
- साधारण सदस्यता (General Membership) — निःशुल्क: फाउन्डेशनको नियमित अपडेट, सार्वजनिक कार्यक्रमहरूमा सहभागीता।
- सेवा सदस्यता (Service Membership) — Pay-as-you-use: सदस्यता नलिई विशेष कार्यक्रम वा सेवा प्राप्त गर्न चाहने व्यक्तिहरूका लागि लचिलो विकल्प।
यी सदस्यता योजनाहरूको उद्देश्य भनेको आध्यात्मिक र व्यक्तिगत उत्थानसँगै समग्र समाजको सम्वृद्धि सुनिश्चित गर्नु हो। फाउन्डेशनले दीर्घकालीन रूपमा सदस्यहरूको सञ्जाललाई एक समर्पित आध्यात्मिक समुदायमा रूपान्तरण गर्ने, र समग्र समाजको समग्र कल्याण सुनिश्चित गर्ने लक्ष्य राखेको छ। यस्तो समुदाय spiritual economy को माध्यमबाट आन्तरिक शान्ति, स्वास्थ्य, संस्कार र सेवा प्रवाह गर्ने साझा अभियानमा संलग्न हुनेछ।
कार्यक्रमको समापनतर्फ सहभागीहरूमाझ एक साझा अनुभूति थियो—यो भेट एक यात्राको सुरुवात हो, जहाँ जीवनलाई आध्यात्मिक रूपले समृद्ध बनाउँदै समाजलाई पनि सेवा गर्ने दृढ संकल्प बोकेको छ।
यदि तपाईं पनि आफ्नो जीवनलाई ध्यान, योग, संस्कार र सेवाको मार्गबाट समृद्ध बनाउन चाहनुहुन्छ भने, ओम वैदिक फाउन्डेशनको सदस्यता तपाईंका लागि एक पवित्र सुरुवात हुन सक्छ।
आजै सदस्यता आवेदन गर्नुहोस्
इमेल: omvedic.np@gmail.com
कल/व्हाट्सएप: +९७७ ९७६५००५०६३
ओम वैदिक फाउन्डेशन — तपाईंका साथ, तपाईंको लागि। एकतासँगै, चेतनाको समाज निर्माण गरौँ।
